“एन्ड गेम” चे पुनर्प्रकाशन.

एखादा पडलेला चित्रपट काही वर्षांनी नाव बदलून रिलिज करायचा प्रयत्न हिन्दी सिनेसृष्टीत होत असतो. तसे गाजलेले सिनेमे सुद्धा री-रन केले जातात. शोले हा सिनेमा अजूनही थिएटरला लावला तर निदान पहिला आठवडा तरी फुल्ल जाइल ! माझ्या ब्लॉगची वाचक संख्या 21000 पार झालेली आहे. ब्लॉगस्पॉट आपली पोस्ट किती जणांनी वाचली याची माहितीसुद्धा देते. मला वाटले होते की ही कथा नक्कीच पहिल्या दहात असेल ! पण आश्चर्य म्हणजे ही कथा अगदी पहिल्या वीसात सुद्धा नाही. नवीन वाचक सहसा जुन्या पोस्ट वाचायच्या भानगडीत पडत नाहीत म्हणूनच की काय मागच्या दोन वर्षात ही गोष्ट कोणी वाचलेलीच नाही ! तेव्हा मी मराठी ब्लॉग विश्वचा सुद्धा सभासद नव्हतो व त्यामुळे गोष्ट तेव्हा फारशी कोणाला कळली नसावी. अर्थात ज्यांनी ही गोष्ट वाचली ते बेहद्द खूश झाले होते. ही गोष्ट मी कोणतेही रफ वर्क न करता, थेट पोस्ट केली होती. गोष्टीतले प्रत्येक पात्र स्वत:च आपली ओळख करून देते व गोष्ट पुढच्या पात्राकडे सरकते. या गोष्टीत मी माझ्या खर्या आयुष्यातील प्रसंगाची बेमालूम मिसळण केलेली आहे. अनेकदा सांगूनही ही गोष्ट काल्पनिक आहे हे अजून अनेकांना पटलेले नाही ! आता असे वाटाते ही गोष्ट मी अजून दहा वर्षाने पोस्ट करायला हवी होती. कारण कितीही प्रयत्न केला तर एवढी चांगली गोष्ट उतरत नाही ! आता माझीही खात्री पटली आहे की या तोडीची थरारकथा माझ्याकडून लिहिली जाणे अशक्य ! तेव्हा एक प्रयोग म्हणून हीच गोष्ट परत प्रकाशित करीत आहे. नवीन वाचकांनी आपल्या पतिक्रीया जरूर कळवाव्यात ! धन्यवाद !

गोष्ट वाचण्यासाठी इथे क्लिक करा.