शुक्रवार, १ जुलै, २०११

एच.आर. वाल्यांच्या वाटेला जावू नका --- !


 

दोन वर्षे निस्वार्थीपणे सेवा बजावलेल्या एका कामगाराला वाटले की आपल्या सेवेची काही कदर झाली नाही. ना बढती मिळाली, ना पगारवाढ, का कोठे चांगल्या कमाईच्या ठीकाणी बदली. गेला बाजार एखादे प्रशस्तीपत्रक सुद्धा नाही ! तो काही विचार करून त्याच्या एच.आर. मॅनेजरकडे (मराठीत मावव विकास संसाधन प्रबंधक !) गेला. आपल्या मनातली खंत त्याने त्याच्या समोर मांडली. यावर त्याच्या मॅनेजरने त्याला शांतपणे सांगितले की लेका तुझी पण कमाल आहे, एकही दिवस काम न करता असली अपेक्षा तू ठेवतोस हेच नवल आहे ! आपण एकही दिवस काम केले नाही हे काही केल्या त्या कामगाराला पटेना तेव्हा त्याच्या मॅनेजरने त्याची शाळा केली ती अशी ---

वर्षात दिवस किती असतात?

365 – लिप वर्षे असेल तर 366 !

किती तासाचा दिवस असतो ?

24 तासांचा.

कामावर किती वेळ असता ?

सकाळी 10 ते संध्याकाळी 6 म्हणजे 8 तास झाले.

म्हणजे मग दिवसातले किती वेळ तुम्ही काम करता म्हणायचे ?

सोपे आहे, 24 तासातले आठ तास म्हणजे 1/3 झाले.

हुषार आहात ! मग 366 दिवसाचे 1/3 किती होतात ?

122.

विकेंडला कामावर येता का तुम्ही ?

नाही साहेब.

मग असे वर्षाचे शनिवार-रविवार किती होतात ?

48 + 48 – नाही, नाही -- हां ----- 52 रविवार + 52 शनिवार 104 दिवस.

बरोबर , आता 122 दिवसातून 104 दिवस वजा केले तर किती दिवस राहतात ते सांग बरे ?

18 दिवस.

आता या 18 दिवसातुन तुम्हाला दर वर्षी 2 आठवड्याची, म्हणजे 14 दिवसाची आजारपणाची रजा मिळते, ती वजा केली तर किती दिवस राहतात ?

4 दिवस.

स्वातंत्र्य दिनी, म्हणजे 15 ऑगस्टला , कामावर येता का ?

नाही साहेब.

प्रजासत्ताक दिनाला, म्हणजे 26 जानेवारीला कामावर येता का ?

नाही साहेब.

नवीन वर्षाच्या पहिल्या दिवशी कामावर येता का ?

नाही साहेब.

मग आता किती दिवस राहिले ?

1 दिवस साहेब !

नाताळला कामावर येता का ?

नाही साहेब.

मग आता किती दिवस उरले कामाचे ?

काही नाही साहेब.

मग एकही दिवस काम न करता तुम्हाला बढती, हवी त्या ठीकाणी बदली, पगारवाढ द्यायची का ??????????

बिचारा कामगार झीट येवून पडतो !

तात्पर्य काय तर एच.आर. वाल्यांच्या वाटेला जावू नका, ते तुमची वाट लावतील !


 


 


 


 

1 टिप्पणी:

aativas म्हणाले...

You seem to know HR trade secrets :-)